Drejtori i AC Milanit, Zvonimir Boban ka hedhur poshtë pretendimet se ata janë duke kërkuar nënshkrimin me mesfushorin e Real Madridit, Luka Modric.

Fituesi i Topit të Artë është duke u përfolur shumë për transferim te “Rossonerët” gjatë afatit kalimtar të muajit janar vitin e ardhshëm, transmeton portali arbresh.info.

Por, Boban ka hedhur poshtë gjithçka mbrëmjen e kaluar (31 tetor) duke thënë:

“Jo, jam duke menduar për ndeshjen e sotme dhe ndeshjen e së dielës kundër Lazios, është shumë më e rëndësishme sesa për të menduar për Modricin”

“Nuk e di se si dhe nga kush janë nisur këto storie”

Milani siguroi tri pikë të plota ndaj SPAL-it mbrëmjen e kaluar falë golit në pjesën e dytë nga Suso./arbresh.info/